{-!قصيدة خيــــط الشمس!-}

-------------------------------
اغزلني وي خيط الشمس
وشرني اعله حبل الشمس
تلكاني جمره وثلج
اذوب بــــس بهمــس
من شفت كلشي غلط
ولحروفي ماكو نقط
مني وكع حاضري
بس جلبت بالمس
اغزلني وي خيط الشمس
وشرني اعله حبل الشمس
ميغرني بعد النهر
طوله وي مد النظر
وياحيف عيبه انعرف
بس بطن ماكو ظهر
والورك حصت الارض
ماصار حصت الشجر
وتكلي عالي الكمر
انه ادري عالي الكمر
بس للكاع راسه انتكس
اغزلني وي خيط الشمس
وشرني اعله حبل الشمس
ما بيع تمرة نخل

وما اخذل السعفه
صح انه عمري نزف
وجروحي ملتفه
بس باقي عندي امل
بغداد موجة فرح
وتعانق الضفه....
اغزلني وي خيط الشمس
وشرني اعله حبل الشمس
مابيع اسمي الك
وما اغلط الغلطه
من شفتي خضر شعر
ويه الشعر حنطه
الدجله منطي عهد
ما اطيح النكطه
اغزلني ويه حيط الشمس
وشرني اعله حبل الشمس
واحصد كصب طيبتي
تلكاه صعد ليفوك
صحره وعبرته العمر
جن انه ابن النوك
البرحي والزهدي تمر
بس يختلف بالظوك
وجذورهن بالا رض
مغروسه بيها غرس
اغزلني وي خيط الشمس
وشرني احبل الشمس

تحيايـــــــ الكم ــــي

رااااااااااائعه القصيدة
شكرا جزيلا لك

شكرا لك

» قصيدة النوارس
» هشام الجخ - التأشيرة - تحميل قصيدة التأشيرة - مشاهدة قصيدة هشام الجخ الجديدة التأشيرة -
» قصيدة نحس
» قصيدة الشاورما
» قصيدة الارض

*{-!قصيدة خيــــط الشمس!-}*

{-!قصيدة خيــــط الشمس!-}