حكاية نمرة التليفون

نمرة تليفون

الساعة 2 بالليل و محمد قاعد قدام الكمبيوتر بيلعب جيمز و منسجم ,

و فجأة التليفون بيرن. فمحمد نفض و كمل لعب ، لكن التليفون رن تاني ، فقام يشوف مين اللي بيتصل ...

محمد:" دي نمرة غريبة لكن اما اشوف مين اللي بيتصل
.. آلو ..". فسمع صوت رقيق بيقول:" آلو". فقال محمد:" ايوة .. مين معايا ؟؟".

و نفس الصوت الرقيق بيقوله:" مش مهم انا مين .. انا كنت بس عاوزة اسمع صوتك قبل ما انام". و ققفلت الخط ...

محمد بعد الكلمتين دول حس انه جعان فقام عمل طبق فول
بالفلفل الاخضر و الطماطم و معاه كباية شاي بالنعناع و

نسي ان فية حد اتصل اصلا.

و تاني يوم ، و برضة الساعة 2 بالليل، التليفون بيرن،

و قام محمد يشوف مين و برضة لقيها نمرة غريبة.

بس من اثر الفول بتاع امبارح هو فقد الذاكرة و ما يفتكرش انها نفس نمرة امبارح.

فرد محمد وقال :"آلو .
. مين معايا ؟؟".
فرد الصوت الرقيق و قال :" انت لحقت نسيتني ؟؟ دا انا لسة مكلماك امبارح".

فرد محمد:" يعني مين و عاوزة ايه ؟؟"

. فقال الصوت الرقيق:" انا عاوزة بس اطمن عليك و اسمع صوتك ".

و بمنتهى البراءة و الاستغراب و يمكن بشوية غباوة رد محمد:
" تطمني عليا ليه يعني ؟؟

و عاوزة تسمعي صوتي لية؟؟".

فرد الصوت الرقيق:" يعني تقدر تقول انا مهتمة بيك شوية و شخصيتك شداني جدا ".

و بنسبة غباوة اعلى رد محمد :
" مهتمة ازاي يعني"

. فسكت الصوت الرقيق لكن الخط لسة مفتوح ..

.. فقال محمد :" آلو .. آلو .. انتي لسة موجودة على الخط و لا
ايه ؟؟"

. فرد الصوت الرقيق :" ايوة يا محمد ". فقال محمد :" انتي ما بترديش و ساكتة ليه؟؟ "

. قالتله :" اصل انا بحب اسمع صوتك". و راحت قافلة السكة ... قال يعني عشان تشغل تفكير محمد و يقعد يفكر ..

.. لكن محمد باشا قام ضرب طبق الفول المتين مع كباية الشاي و نسي بعدهم اسمه ............

و اليوم اللي بعده ..... لكن المرة دي مش الساعة 2 .. لكن 2 و ربع ...
قال يعني عشان محمد يكون منتظر المكالمة و مشغول شوية ..
و يرن التليفون .. لكن عمنا محمد كان مشغول فعلا بس بطبق الفول اللي ع النار
.. و هو لا سامع تليفون و لا نيلة
. و فضل التليفون يرن لحد 2 و نص .
. لحد ما الصوت الرقيق منتظر حد يرد عليه .. و بعد ما جهز محمد طبق الفول، سمع التليفون بيرن ..
رد ع التليفون و سمع نفس الصوت الرقيق بيقوله
:" كل ده بتصل انت كنت فين كل ده ؟؟"
. فرد عليها محمد:" انتي مين و عاوزة ايه؟؟".
قالتله:" مش قلتلك يمكن اكون مهتمة بيك ".
فرد عليها ببرود اعصاب:" طب عن اذنك عشان الاكل هيبرد".

... و راح قافل الخط و راح ياكل ..

اتضايقت هي قوي ان محمد قفل السكة في وشها و سابها و راح ياكل و اتصلت تاني لحد ما رد عليها ..

. قالتله:" ازاي تقفل السكة في وشي؟؟".
... قالها و بنفس الغباوة المعتادة:"
يعني اسيب الاكل يبرد ؟؟!!". .. قالتله:" اكل ايه دلوقتي ؟؟.. دا احنا في نص الليل". قالها:"
انا بحب اكل دلوقتي ... قوليلي الاول انتي مين ... انا لسة ما كملتش اكل
.. فقولي انتي مين و الا هقفل السكة و مش هرد ع النمرة دي تاني خالص". ..
. قالتله:" طب مش لما نعرف بعض كويس الاول ؟؟"
. قالها :" لا متشكرين ... انا كدة كويس ... و عن اذنك عشان انا خلاص مش قادر ..
. انا جعان و شوية الفول و الشاي هيبردو". ...
و راح قافل السكة و قفل التليفون خالص و جري على طبق الفول حبيبه. .........................................

حكمة اليوم: لا تفعل كما يفعل الناس و إن كان خطئاً .. لكن افعل الصواب و إن كان لا يفعله الناس.

مشكوووووووووووووووووره ياسلمى
على القصة

العفوووووو ياقمر انت تقمر

هاد لمحمد واحد زكي
لأن لو رحنا على الأسباب البعيدة للتلفون يمكن يكون مقلب من شي واحد من رفقاته.

» لا تستعمل التليفون اثناء البرق
» حكاية الربع جنيه
» ~||×الرحيل حكاية بِلآ صَوتْ × ||~