حوار بين اتنين ميتين

الأولي : إنتي متتي إزاي ؟؟


الثانية: أنا مت متجمدة





الأولي : ياااه. متجمدة؟؟...أكيد اتعذبتي كتييير





الثانية: لا أبدا...هو بس حسييت شوية في الأول ببرد ..



وابتدى يزيد حبة حبة... وبعد كده محسيتش بحاجة






الثانية:و إنتي ما قولتليش ...موتي إزاي ؟؟






الأولي:مت بالسكتة القلبية...




الثانية:ودي جات لك إزاي...




الأولي:كنت شاكة إن جوزي بيخوني...فقلت له أنا رايحة عند ماما وهارجع آخر النهار...

وبعد ساعة بالظبط كنت كابسه عليه في البيت ..



لقيته قاعد هاااادي وبيتفرج علي التليفزيون ومش معاه حد...



قمت دخلت دورت في كل غرف الشقة... وتحت السرير وفي الدولاب...

قلت يمكن مخبيها هنا وألا هنا ...مالقتش حاجة يا أختي ...

قمت اتغظت أووي... وفضلت أهري واغلي... وأكتمه في نفسي... عشان ظلمته



لحدما جات لي السكتة القلبية...





الثانية:يعني إنتي لو كنتي لقيتي واحدة عنده... كنتي فضلتي عايشه؟



الأولي:ااااااااااااه طبـــعا...





الثانية:ياريتك كنتي دورتي في الفريزر ...كان زمانا إحنا الاتنين دلوقتي عايييشين...