<(((اللهم قد بلغت الللهم فاشهد)))>

بسم الله الرحمن الرحيم

اخواني و اخواتي الاعضاء
اليوم اطرح قضيه مهمه جدا و الكثير من شباب اليوم في غفلة عنها
من غير بلاغه انا هتكلم عامي بحت
خد عندك الموقف ده ......
((جالك واحد صاحبك قللك انا كنت ماشي مع البنت دي وحصل كذا و كذا و كذا...))

طبعا الموقف ده بيحصل كل يوم و عند الشباب اكتر ....
ايه التوقعات اللي بتحصل عادة ......
ده صاحبي يعني اكيد مش بيكدب يعني حصل كذا و كذا و كذا تقوم تروح تقول لصاحبك التاني و التالت و الرابع ع اللي حصل ....

طيب ايه بقى رد فعلك من اللي جي:

1- صحبك طلع كداب او نص كلامو كدب و انت رحت نقلت الكلام الكدب لفلان و علان و غيره.
هتقولي : عادي ما انا مش غلطان في حاجه زي ما قللي زي ما قولت هو اللي كدب مش انا ....
هقولك: (يايها الذين امنوا اذا جاءكم فاسق بنبأ فتبينوا ان تصيبوا قوما بجهاله فتصبحوا ع مافعلتم نادمين)
ايه رايك...؟ مش الكلام ده في القرأن و الشريعه ولا مسلمين اسم بس ؟؟؟؟
2-صحبك مطلعش كداب وحصل كل اللي قالوا ..
هتقولي :كدا انا في السليم .....
هقولك : انت كدا في مصيبه اكبر من الاولانيه مش انت بس انت وصحبك.
هتقولي : ازاي
هقولك: ربنا امر بالستر و قال فيما معناه من ستر عبدا ستره الله يوم القيامه
ده اللي ستر
طب اللي مسترش؟ ايه رايك ؟ تيجي نقلبها كده؟

من فضح عبدا فضحه الله يوم القيامه .....
يعني فضيحة البنت ادام صحابه بس
و فضيحته هو ادام العااااالم كلها اللي ماتوا و الموجودين و اللي لسه مجوش
كتير مش كده ؟

ده غير انك اصلا لما تتكلم عن حد وحش ده غيبه كانك بتاكل لحم اخيك ميت ....

هتقولي :طيب انا اعمل ايه دلوقتي ؟

هقولك : في الشرع الحل انك تصالح كل مين اتكلمت عليه وحش لو سامحك سقط عنك الذنب لو لا يبقى تلقى جزاء فعلتك وحاول تستغفر كتير ومتعملهاش تاني عشان ميبقاش انتقام ربنا تربيع .
حاجه كمان في حالة (2) انت وصاحبك و كل اللي بينقل نفس العقوبه. فضييييييييييييييييييييييييييييييحه بكل ذنب صغير او كبير عملته في حياتك ....

سؤال بقى : مين في الدنيا دي كلها يستاهل انك تفضح نفسك عشانه ؟؟؟؟؟؟؟؟؟
لا حبيب و لا صديق ولا غيره محدش هينفعك في اليوم ده كللو بيقول يللا نفسي .

في الختام

يا ريت نتعظ الموضوع مش هين خاااااااالص تخيل نفسك مفضووووووووووووح ع الملأ مش موقف حلو
دا غير ان الله لاينظر لك يوم القيامه و دي الجديده في الموضوع معقول فضيحة البنت دي اهم من ان الله ينظر لك و تنظر له ...... مين البنت دي اصلا
و انا عن نفسي انسانه بعيده كل البعد عن الكماليات فأنا لا اسامح و لن اسامح اي حد يجيب في سرتي شر
و اقول حسبي الله ونعم الوكيل عدد خلقه .....
اللهم قد بلغت اللهم فاشهد
اللهم قد بلغت اللهم فاشهد
اللهم قد بلغت اللهم فاشهد

الموضوع جد جدا اي ردود فيها اي نوع من التهريج هتتحذف
فياريت مراعاة الجد عند الرد

اسال الله ان يعفو عنـــا
بارك الله فيك على الموضوع القيم

» اللهم ياخدك يا اسرائيل